Nacemos en vedra co obxectivo de recuperar a tradición olivarera en Galicia e sentar as bases dunha nova industria que aporte valor aos nosos campos e sexa un motor de creación de riqueza e fixación de poboación no medio rural.
Galeo é a túa nova marca galega de aceite de confianza. Apostamos pola calidade da materia prima e pola profesionalidade nos procesos de transformación da oliva nun aceite de alta calidade.
Un dos obxectivos principais que nos marcamos é recuperar a tradición aceiteira (olivarera) que existía en Galicia na época dos Reis Católicos, e que se foi perdendo co tempo por diversas razóns.
Despois de séculos nos que as plantacións de olivo foron un cultivo case exclusivo do sur da península, cremos que é importante recordar que fai da Nosa Terra un lugar perfecto para a produción dun aceite de oliva virxe extra de alta calidade. E é que Galicia preséntase como un emplazamento idóneo para cultivar variedades de oliva como Arbequina ou Picual, xa que resisten mellor as xeadas e as baixas temperaturas.
Hai a falsa crenza de que o clima galego non é óptimo para a plantación e o desenvolvemento do olivar, nada máis lonxe da realidade. O olivo precisa dunhas 2.000 horas de sol ao ano e Galicia goza dunhas 2.200; e unhas 500 horas de frío anuais (por debaixo dos 10º), o que tamén se da neste territorio.
Por iso o noso aceite está elaborado con oliva plantada nestas rexións, cuxa terra e clima aportan ao aceite unhas propiedades e un sabor únicos.
