Apoiamos o cultivo de olivo en Galicia

Olivar de Moura acompaña aos agricultores para asegurar o éxito dos seus cultivos. Implicámosnos aportando asesoramento técnico continuado durante a plantación e vida útil do olivo, velando polo correcto cumprimento dos requisitos legais e sanitarios, adaptando a plantación ás características do terreo.

Todos os nosos esforzos van orientados a dotar de identidade propia aos aceites Atlánticos, ensalzando as súas características diferenciadoras frente aos do sur peninsular, de aí a nosa implicación activa na creación dunha IGP (Identidade Xeográfica Protexida) que recoñeza e ensalce o carácter propio e a excepcional calidade dos aceites galegos.
Se queres formar parte do noso equipo e levar a cabo a túa propia plantación de olivos, en Olivar de Moura poñémoscho moi sinxelo.

olivo galeo olivar de moura 35

Contigo de principio a fin

Proporcionámosche asesoramento técnico durante a vida útil do olivo ou na plantación do mesmo se todavía non a levaches a cabo.

É un cultivo rentable

Empregando as variedades adecuadas ao clima e ao terreo dispoñible lógrase un rendimento óptimo. En canto a coidados, é un tipo de cultivo menos esixente que outros, como pode ser o viñedo.

Apoio integral ao teu cultivo

Traballamos con profesionais de varios campos, como o da sanidade, que supervisarán a plantación en todo momento, garantindo que o produto supera todos os controis sanitarios estipulados pola lei.

Adaptámonos a ti

Axustamos o tipo de plantación ás condicións do terreo. Non te preocupes de nada! Nós analizamos o teu terreo e as posibilidades que ofrece, tanto en tamaño como nas propiedades do chan. Posteriormente deseñamos unha plantación a medida para túa parcela.

Minimizamos riscos

Traballamos coas variedades de oliva que mellor funcionan en Galicia de forma contrastada, é dicir, unhas variedades que están perfectamente adaptadas ao clima que temos na nosa Terra.

Presuposto sen compromiso

Estaremos encantados de preparar unha proposta persoalizada sen ningún tipo de compromiso. Anímate e escríbenos no seguinte formulario.